Blogg fr� enda bekkjarins - K�rfu Blogg

Flashback

Wed, 09 Jun 2010 09:11:00 +0000

Ugh. Frammistaða Ray Allen í nótt gaf mér flasback. 1994. Knicks-Houston. Leikur 7. John Starks. Nóttin sem allir mínar körfuboltavonir voru kramdar eins og kókdós undir vörubíl.

Svarthol (Black hole)

Thu, 22 Apr 2010 13:47:00 +0000

Svarthol - Enska: Black Hole (blak hol) nafnorð. Leikmaður sem, eftir að hafa fengið boltann í hendurnar, sendir hann sjaldan -- eða aldrei -- aftur á samherja.

Orðnotkun: Pétur brauð er Svarthol; samherjar hans vita að um leið og þeir senda boltann á hann þá sjá þeir hann aldrei aftur.

Uppruni orðsins: Kevin McHale var einn besti low post leikmaður sögunnar, og einnig með eina bestu skotnýtingu í sögu NBA. Hann var með 55,4% nýtingu yfir ferilinn, sem er níunda besta nýtingin frá upphafi í NBA, og á 1986-87 tímabilinu varð hann eini leikmaðurinn í sögu NBA til að hitta 60% af skotum sínum og 80% af vítum sínum (60,4% og 83,6%). Það sem gerir þessi afrek enn glæsilegri er að McHale lenti yfirleitt á móti aggressívri vörn andstæðinganna sem var sérstaklega sniðin til þess að takmarka hversu oft hann fengi boltann. Hins vegar var McHale einungis með 1,7 stoðsendingar per leik yfir 13 ára feril sinn, og samherjar hans hjá Celtics veltu því stundum fyrir sér hvers vegna hann sendi boltann aldrei þegar hann var tví- og þrídekkaður. Danny Ainge fór loksins að kalla hann "Svartholið", sem er lítið svæði í geimnum sem ekkert, ekki einu sinni ljósið, sleppur frá. Eins og Ainge orðaði það sjálfur "Þegar boltinn fer niður til McHale, þá kemur hann aldrei aftur."

Ref: Basketbawful

The elbow heard 'round the world

Thu, 04 Mar 2010 19:52:00 +0000

Í desember 1991, í leik Utah Jazz og Detroit Pistons, var Isiah Thomas að keyra að körfunni þegar Karl Malone "reyndi að ná til boltans" en endaði með að olnboga Thomas svo harkalega í andlitið að hann þurfti 40 spor og lýtaraðgerð til að laga skaðan, auk þess sem hann glímdi við þrálátan hausverk, ógleði og skerta sjón næstu vikurnar á eftir. Það fyrsta sem kom í huga Isiah eftir höggið var að hann hefði verið skotinn í höfuðið af einhverjum í áhorfendastúkunni. Já, Karl Malone var einn af grófustu leikmönnum samtímans.

Crazy Ron Vs. Cornbread

Wed, 24 Feb 2010 21:21:00 +0000

Crazy Ron Artest og Cedric "Cornbread" Mawxell. Annar var illa klikkaður vitleysingur sem er meðal annars þekktur fyrir það að hafa fengið sér alltaf í aðra tána fyrir hvern leik á nýliðatímabilinu sínu, og að hafa eitt sinn beðið liðið sitt um mánaðarfrí til að geta tekið upp rappplötu. Hinn var litríkur leikmaður sem gerði garðinn frægan með Larry Bird og Boston Celtics á níunda áratug síðustu aldar.

Eitt áttu þeir þó sameiginlegt. Báðir gerðist þeir sekir, með 23 ára millibili, um að hlaupa upp í áhorfendastandana til þess að boxa við áhorfendur.

Munurinn?

Annar var dæmdur í 87 leikja bann á meðan hinn var ekki einu sinni rekinn útaf, heldur var í þokkabót valinn MVP úrslitakeppninnar nokkrum vikum seinna.

Ruslm�n�tur

Fri, 05 Feb 2010 23:22:00 +0000

Ruslmínútur. Síðustu mínútur leiks sem er búinn að leysast upp í burst og einu leikmennirnir sem eru inná eru þeir sem voru búnir að vera að rotna á bekknum fyrstu 35+ mínúturnar. Og allir af þeim vilja skjóta eins og engin væri morgundagurinn í þeirru veiku von að hækka meðalstigaskorið sitt upp fyrir 2 stigin, enda virðist stundum enginn af þessum tíu sem eru inná átta sig á því að þeir eiga samherja. Gullna reglan er að á ruslmínútunum eru einu slæmu skotin þau sem þú tókst ekki.

Margir bekkjarvermar fatta þetta, þar á meðal Calvin Murphy, fyrrum leikmaður Houston Rockets, sem var eitt sinn sendur inná í ruslmínútur þegar hann var nýliði tímabilið 1970-71. Það voru 1:51 eftir og Elvin Hayes, aðalstjarnan hjá Rockets, var kominn með 48 stig.

"Hayes came up to me and said, 'Hey, rook, I just need one more basket, so get me the ball.' "

"I told him, 'Well, I hope you remember how to rebound, because I'm getting off at least 10 shots in this 1:51, and the only way you're going to get 50 is to get the ball off the boards.' He wasn't happy about that, but you know what? I got off nine shots."

Og Hayes náði ekki sínum 50.

St�ffa�ur

Fri, 05 Feb 2010 19:51:00 +0000

Fór í vikulega bumbuboltann með slökkviliðinu og "Ísafjörður Finest" um daginn eftir að hafa eytt deginum í að vera með hástemmdar yfirlýsingar við vinnufélaga minn, sem mætir einmitt í þennan sama bolta, um hvernig ég ætlaði að flengja alla gömlu kallana um kvöldið.

Í gegnum tíðina hefur aldrei vitað á gott ef ég hef verið að rífa kjaft í körfu. Sama hversu vel ég hef verið að hitta þá bregst það ekki að um leið og fyrsta ruslatalið vellur út fyrir varir mínar þá dettur hittni mín niður á level sem myndu fá viss lið í 2.deild kvenna til að svitna yfir.

Engu síður þá byrjaði þetta bara ágætlega hjá mér. Vitandi það að ég þyrfti nú að standa við stóru orðin, sem vinnufélagi minn var duglegur við að láta alla hina vita um, þá lagði ég mig fram við að skora sem mest í fyrstu leikjunum ásamt því að reyna að blokka sem flest af skotum fyrrnefnds vinnufélaga míns í þakkarskyni fyrir málgleði hans.

Einn af þeim sem voru að spila er ágætur verslunarmaður hér í bæ, nokkuð hávaxinn (þú kennir ekki stærð!) en í takmörkuðu formi eins og berlega kom í ljós í byrjun. Eftir aðeins fáeinar sóknir var hann farinn að mása og blása þannig að það bergmálaði um salinn, og minnti það mig óþægilega mikið á eigin lífreynslu þegar ég dekkaði Jeremy nokkurn Sargent, þáverandi leikmann KFÍ, á æfingu fyrir mörgum árum (til að gera langa sögu stutta þá hafði Jeremy áhyggjur af því að ég væri að fá hjartaáfall).

Ég skal játa það að ég bjóst við að hann yrði non-factor það sem eftir lifði æfingarinnar og að ég þyrfti ekki að hafa miklar áhyggjur af honum. Þess vegna stökk ég afar letilega upp fyrir framan hann þegar ég fékk alley-oop sendingu frá samherja mínum og ætlaði bara rétt að tippa boltanum ofan í. Það fór ekki alveg eins og upphaflega var ætlað því verslunarmaðurinn náði hærra upp en ég án þess að stökkva og varði skotið mitt. Ekkert epískt blokk, en blokk engu síður. Eftir að hafa muldrað út úr mér að næst myndi ég bara troða helvítis tuðrunni yfir hann þá gerði ég mér grein fyrir því að þar sem hann hafði hæðarmuninn talsvert sér í hag þá þyrfti ég að hafa aðeins meira fyrir hlutunum til að koma boltanum í körfuna.

Nokkrum sóknum seinna fæ ég boltann á á miðjum hægri póstinum og verslunarmaðurinn að dekka mig. Ég tek eldsnöggan snúning framhjá honum og sé alveg greiða leið að körfunni vinstra megin. Einu hugleiðingar mínar þegar ég fer upp í layupið eru að kannski ég hefði átt að nota vinstri hendina í skotið en ekki þá hægri...

*BAMM!!*

Boltinn skýst svo fast út í vegg að hann festist næstum á milli rimlanna. Út úr rassgatinu á engu hafði þá verslunarmaðurinn komið, unnið upp bilið á milli okkar og hamrað layupið mitt svo hrottalega í burtu að "varið skot" er engan veginn nógu sterkt lýsingarorð yfir það. Þetta var smother chicken með hellingi af ego-ectomy á kantinum og ef Adolf Ingi hefði verið að lýsa þessu þá hefði hann fengið það í buxurnar yfir tilþrifunum.

En lærði ég einhvað af þessu. Nei. Ef það er einhvað sem maður lærir af reynslunni þá er það að maður lærir aldrei neitt af reynslunni.

Dj� fl�gur hv�ti gaurinn �arna...

Sat, 23 Jan 2010 13:08:00 +0000

...hljóta að vera háu sokkarnir og hnéhlífin.

Umm�li dagsins - Kevin McHale

Wed, 16 Dec 2009 19:49:00 +0000

LeBron James tryllti smápíkurnar með lostafullum dansi sínum fyrir framan bekkinn hjá Chicago Bulls í leik á dögunum. Einn leikmaður Bulls, Joakim Noah, var samt ekki jafn hrifinn og félagar hans af dansinum hjá LeBron og hraunaði yfir hann þegar kóngurinn var á vítalínunni. Kevin McHale hafði hins vegar mikið betri lausn á þessu.

"If a guy was doing the Riverdance like that, coach would come over and say, 'Who's got the fewest amount of fouls of my big fellas?' " said ex-Celtic and TNT analyst Kevin McHale. "If you raised your hand, he would say, 'We will let him drive and then we will throw him on the ground.'

"When he is laying there we would say, 'Do you feel like dancing now?'

"And that pretty much solved the dancing problem."

Kevin McHale hefur officially hækkað í áliti hjá mér.

Annars held ég að LeBron ætti að leyfa samherja sínum hjá Cleveland, Shaq, að sjá um allan dansinn í þessu liði.

Todd MacCulloch Vs. Travis Knight

Fri, 01 May 2009 18:12:00 +0000

Chappelle's Show

Reparations 2003 Follow-Up

comedycentral.com

Charlie Murphy Videos

Buy Chappelle's Show DVDs

Black Comedy

Ron Artest og Yao � vi�tali

Fri, 01 May 2009 15:55:00 +0000